viernes, 1 de octubre de 2010

MANDU'AVY

Che py'a kyryî nderehe che âhóvo
mombyry reiméva cherógakuemi.
Kunu'û apytépe, mborayhu pepóre
ahase nde pýri apytu'umi

Heta ára aikómi kaysa jerére
aikûmby he'êva yva ka'aguy.
Ha ikatuvérô, piro'y retâme asaje pyte,
che mitâirûnguerandive roheka ysyry.

Angekói tuicháva che py'a jopyma
rohechaga'úgui che symi porâ.
Aheka che akâme, cheru, nereimevéigui
aku che mitârô, neñe'ênguemi.

Yvoty rokáire taitachu ndive roikómi
panambi vevére rojesareko.
Mainumby ijukýva, kirirî haitépe,
pe ohasakuévo ohykue'ómi  (yvoty)

Opupu che akâme ñembo'e mbegue
Che  korasôkuágui opu va'ékue:
"Nga'u ikatu, Tupâ mborayhure,
vy'apavê ru'âme che mitâ jevy".

No hay comentarios:

Publicar un comentario